Qoruyucu bədən kəməri

Qoruyucu bədən kəməri hündürlükdən yıxılma və ya yıxılma nəticəsində ciddi xəsarətlərin qarşısını almaq üçün nəzərdə tutulmuş idarəetmə və təhlükəsizlik vasitələrindən biridir. Hündürlükdə işlər üçün uyğunluğu, möhkəm konstruksiyası və istifadəsinin asan olması sayəsində təhlükəsiz iş mühiti yaradır.

Kəmərlər və harnesslər təhlükəli iş şəraitində istifadə olunur. Lanyard birləşdiriciləri və ya qarmaqlar açılıb-bağlanmaq üçün ikiqat hərəkət tələb edir. Bu dizayn qarmağın təsadüfən açılmasının qarşısını alır. Harnesslər “yıxılmaya qarşı fərdi qoruyucu vasitə” hesab olunur.

Lanyard hər iki ucunda birləşdiriciləri olan elastik ip və ya kəmərdir. O, bədən kəmərinə və ya harnessə, daha sonra isə xilasetmə xəttinə, anker nöqtəsinə və ya əyləc qurğusuna birləşdirilir.

Necə istifadə etməli?

1. Kəməri D halqasından tutaraq yuxarı qaldırın.

2. Kəməri çiyinlərdən keçirərək geyinin.

3. Üstdən başlayaraq döş və bel kəmərlərini bağlayın.

4. Hər ayağın altından keçirin, ayaq qayışlarını tutaraq bud hissəsi ətrafında bərkidin.

5. Bütün hissələrin möhkəmliyini mütləq yoxlayın.

Arxa tərəfdə yerləşən D halqası yıxılmanı saxlamaq üçün uyğun olan yeganə təmas nöqtəsidir. Digər D halqaları isə məhdud məkanlarda işlər (çiyin D halqaları), pilləkənlərdə və dırmanma qurğularında istifadə (ön/döş D halqası) və ya mövqe sabitləmə məqsədi üçün nəzərdə tutulur.